నందమూరి హీరో ఎన్టీఆర్, మెగా హీరో రామ్ చరణ్ ఇద్దరూ తమ సినిమాలతో ఫుల్ స్వింగ్ మీదున్నారు. సుకుమార్ దర్శకత్వంలో చెర్రీ చేస్తున్న సినిమాతో పాటు.. బాబి దర్శకత్వంలో ఎన్టీఆర్ చేస్తున్న జై లవకుశ మూవీపై భారీ అంచనాలున్నాయి. ప్రస్తుతం ఈ రెండు సినిమాలు హైదరాబాద్ లోనే షూటింగ్ జరుపుకుంటున్నాయి. ఈ రెండు సినిమాల షెడ్యూల్స్ ఈరోజు నుంచే మళ్లీ మొదలయ్యాయి.
మొన్నటివరకు రాజమండ్రి, పోలవరం, కొల్లేరు పరిసర ప్రాంతాల్లో షూటింగ్ చేశాడు చరణ్. మండే ఎండల్లో దాదాపు నెల రోజుల పాటు షూటింగ్ చేసి ఈమధ్యే స్మాల్ గ్యాప్ తీసుకున్నారు. ఈరోజు నుంచి ఈ సినిమాకు సంబంధించి సెకెండ్ షెడ్యూల్ మొదలైంది. సమంత హీరోయిన్ గా నటిస్తున్న ఈ మూవీకి రేపల్లె అనే టైటిల్ అనుకుంటున్నారు.
మరోవైపు ఎన్టీఆర్ కూడా జై లవకుశ షెడ్యూల్ స్టార్ట్ చేశాడు. ఓ 10 రోజుల విరామం తర్వాత ఇవాళ్టి నుంచి ఈ సినిమా సెట్స్ పైకి వచ్చింది. పురాతన భవనం సెట్ వేసి అందులో ఈ సినిమాకు సంబంధించిన ఇంటర్వెల్ సన్నివేశాల్ని తెరకెక్కిస్తున్నారు. రాశిఖన్నా, నివేద థామస్ హీరోయిన్లుగా నటిస్తున్న ఈ సినిమాలో నందిత రాజ్ ఓ కీలక పాత్ర పోషిస్తోంది.