మాస్ యాక్షన్ ఎంటర్ టైనరా? పోలీస్ కాప్ ఎమోషనలా? ఇవీ చందు మొండేటి చాయిస్ లు. కార్తికేయ సినిమా తరువాత ప్రేమమ్ తో ద్వితీయ విఘ్నాన్ని దాటేసిన చందు ఇప్పుడు మూడో సినిమా మీద దృష్టి పెట్టారు. సినిమాకు నిర్మాత పక్కా. ఐ డ్రీమ్ మీడియా వాసుదేవ రెడ్డి నిర్మాత. అక్కడకు అది క్లియర్.
కానీ హీరో ఎవరు అన్నదే ఇంకా డిసైడ్ కాలేదు. చందు దగ్గర కార్తికేయ 2 కాకుండా రెండు సబ్జెక్ట్ లు వున్నాయి. వాటిలో ఒకటి మాస్ యాక్షన్ ఎంటర్ టైనర్. ఇది సాయి ధరమ్ తేజ లాంటి హీరోకి సూటయ్యే సబ్జెక్ట్. మరోకటి పోలీస్ ఆఫీసర్ సబ్జెక్ట్. నాగార్జున, వెంకీ లాంటి వాళ్లకు సూటయ్యే సబ్జెక్ట్. మరి ఈ రెండింటిలో దేనిమీద ముందుకు వెళ్లాలన్నది ఇంకా డిసైడ్ కాలేదు. నాగార్జున కనుక తాను రెడీ అంటే సరే, లేదంటే రెండో సబ్జెక్టే తెరపైకి వెళ్లే అవకాశాలు ఎక్కువగా వున్నాయి.