డిఫరెంట్ సినిమాలు, వైవిధ్యమైన స్క్రిప్ట్ లు తయారుచేయడంలో విక్రమ్ కుమార్ తరువాతే ఎవరైనా. 13 బి నుంచి 24 సినిమా వరకు అన్నీ అలాంటివే. ఇప్పుడు రెండు స్క్రిప్ట్ లు పారలల్ గా తయారుచేసుకుంటున్నాడట. ఒకటి భారీ టిపికల్ సబ్జెక్ట్. రెండవది ఓ థ్రిల్లర్. ఆ థ్రిల్లర్ సబ్జెక్ట్ లో రొమాంటిక్ లైన్ కూడా మిక్సయి వుంటుందట. ఇది మీడియం బడ్జెట్ స్క్రిప్ట్. ఇప్పుడు దీన్నే అఖిల్ తో చేయమని నాగ్ అడుగుతున్నాడు విక్రమ్ కుమార్ ను. ఈ స్క్రిప్ట్ కు సూటయ్యే యంగ్ హీరో కోసం విక్రమ్ చూస్తున్నాడని తెలియగానే నాగ్ తనంతట తానే కబురు చేసేసాడని తెలుస్తోంది.
వాస్తవానికి ఇది నాని లాంటి హీరోకి సూటయ్యే సబ్జెక్ట్ అని తెలుస్తోంది. అయితే ఎప్పుడయితే హను రాఘవపూడి సినిమా కూడా పక్కకు పోయిందో, ఇక ఇజ్జత్ కీ సవాల్ అన్నట్లు అఖిల్ తండ్రిగా నాగ్ బరిలోకి దిగి అర్జెంట్ గా సినిమా సెట్ చేసే పనిలో పడ్డారట. అందులో భాగంగానే విక్రమ్ కుమార్ కు కబురు చేసి, తను ప్రొడ్యూస్ చేస్తానని ఆఫర్ ఇచ్చాడట. దానికి విక్రమ్ కుమార్ ఆల్ మోస్ట్ ఓకె అన్నట్లు తెలుస్తోంది.
13బి తరువాత సరైన థ్రిల్లర్ చేయలేదని, త్వరలో చేస్తానని గతంలోనే విక్రమ్ కుమార్ చెప్పాడు. అదే ఇప్పుడు చేస్తున్నట్లు కనిపిస్తోంది.