రాజకీయ నాయకులు పార్టీలకు అతీతంగా, తమతో సంబంధాలున్నవారితో ఢిల్లీలోనో, బెజవాడలోనో డిన్నర్ పార్టీల్లో కూర్చున్నపుడు వినవచ్చే మాటలు వింటే మతిపోతుంది. వీళ్లేనా తెల్లవారి అలా, డిన్నర్ పార్టీల్లో ఇలా అని డవుట్ వచ్చేస్తుంది. మీడియా ముందు తిట్టుకునేవారు ఆ పార్టీల్లో కౌగిలించుకుంటారు.
ఒకే కంచం, మంచంగా వుండేవారు, ఈ పార్టీల్లో ఒకరి వెనుక మరొకరు సైటైర్లు విసురుకుంటారు. జస్ట్ కొద్ది రోజుల క్రితం ఓ నిర్మాత ఢిల్లీలో ఇలాంటి పార్టీలో ఓ పొలిటికల్ పెద్దాయినను కలిసాడట. సీమకు చెందిన ఆ పెద్దాయనది, కొంచెం పుల్ల విరిచినట్లు మాట్లాడే నైజం. బాబు అయినా, ఆయన బాబు అయినా సరే ఆయన స్టయిల్ ఆయనదే.
సరే ఈ నిర్మాత దగ్గర మెగా బ్రదర్స్ ప్రస్తావన వచ్చిందట. దాంతో సదరు సీమ పెద్దాయిన, మెగా బ్రదర్స్ పై ఘాటు కామెంట్లు చేసారట. పేద్ద లిస్టు చదివి, ఆ బ్రదర్స్ వాళ్లకైమైనా చేసారా? వాళ్లంతా వాళ్లని నమ్ముకుని మునిగిన వాళ్లేగా.
అంటూ సదరు నిర్మాతను కూడా చీవాట్లు పెట్టాడట. అలా చీవాట్లు పెట్టడానికి కారణం ఏమిటంటే, మెగాబ్రదర్స్ ను సదరు నిర్మాత నెత్తిన మోసి, మిగిలిన హీరోలకు దూరంకావడమే నట. ఆ వైనం గుర్తు చేసి, 'ఏం బావుకున్నావ్' అని నిలదీసాడట. ఆళ్లను నమ్ముకుంటే...అంతేగా మరి..అని చెప్పి చక్కాపోయాడట ఆ పెద్దాయిన.