మురుగదాస్‌ తెరకెక్కిస్తున్న 'అకిరా' సినిమాపై బాలీవుడ్‌లో భారీ అంచనాలే వున్నాయి. ఆ అంచనాలకు కారణం మురుగదాస్‌తోపాటు, సోనాక్షి సిన్హా కూడా. ఈ సినిమా కోసం సోనాక్షి సిన్హా చాలానే కష్టపడింది. అలా ఇలా కాదు, మార్షల్‌ ఆర్ట్స్‌ నేర్చుకుంది. ఫొటో చూస్తున్నారు కదా.. సోనాక్షి సిన్హా ఈ సిగ్నేచర్‌ కోసం ఎంతగా కష్టపడి వుంటుందో అర్థమయ్యే వుంటుంది.!
పోస్టర్‌, టీజర్‌, ట్రైలర్‌లో కాదు.. సినిమా చూస్తే సోనాక్షి కష్టం అందరికీ తెలుస్తుందట. ఇప్పటిదాకా ఇండియన్‌ సినిమా స్క్రీన్‌పై ఏ హీరోయిన్‌ చెయ్యని సాహసం సోనాక్షి సిన్హా చేసిందట. అదేంటో తెలియాలంటే 'అకిరా' చూడాల్సిందేనని దర్శకుడు మురుగదాస్‌ చెబుతున్నాడు. సినిమా మీద నమ్మకంతోనే 'అకిరా' నిర్మాణంలోనూ భాగం పంచుకున్నాడు మురుగదాస్‌. 'నో వన్‌ విల్‌ బి గివెన్‌' అనే క్యాప్షన్‌తో మురుగదాస్‌ చెప్పాలనుకున్నది ముందే చెప్పేశాడు.
మరోపక్క, 'అకిరా' సినిమాతో తనకు లేడీ సూపర్‌ స్టార్‌ ఇమేజ్‌ దక్కుతుందని సోనాక్షి సిన్హా ధీమా వ్యక్తం చేస్తోంది. యాక్షన్‌ ఒక్కటే కాదు, సినిమాలో సెంటిమెంట్‌ బాగా పండుతుందనీ, అలాగే మంచి మెసేజ్‌ ఈ సినిమా ద్వారా ఇవ్వబోతున్నామనీ, ఇలాంటి పాత్ర మళ్ళీ తన కెరీర్‌లో తనకు దక్కుతుందో లేదో తనకు తెలియదనీ, వచ్చిన అవకాశాన్ని సద్వినియోగం చేసుకున్నాననీ చెప్పుకొచ్చింది సోనాక్షి సిన్హా.