ఒక్కోసారి అంతే ఎవరికో తగలాల్సింది మరెవరికో తగులుతుంటుంది. కొన్నాళ్ల క్రితం నిర్మాత బండ్ల గణేష్ యంగ్ హీరో అఖిల్ తో సినిమా తీయాలనుకున్నాడు. ఇందుకోసం డైరక్టర్ మణిరత్నం తో డిస్కషన్లకు వెళ్లాడు కూడా. అలాంటి టైమ్ లో దర్శకుడు మణిరత్నం ఓ సినిమాను కార్తీ-అమృతరావ్ కాంబినేషన్ లో చేస్తున్న సంగతి తెలిసింది.మంచి కాంబినేషన్ కదా అని కోటిన్నర అడ్వాన్స్ ఇచ్చేసాడు. తెలుగు డబ్బింగ్ రైట్స్ కోసం అడ్సాన్స్ ఇచ్చిన తరువాత చిన్న విశేషం జరిగింది. బండ్ల తక్కువోడు కాదు కదా, తన తెలివితేటలు వాడి, ఆ సినిమా కథేమిటి? కమామిషేమిటి? అన్నవి కనుక్కున్నాడు. లేదా మరేదో జరిగిందో తెరవెనుక. తనకు ప్రాజెక్టు వద్దని, డబ్బులు వెనక్కు ఇచ్చేయమని చెప్పేసాడు.
కట్ చేస్తే, అంతకు ముందే మణిరత్నంతో ఓకె బంగారం చేసి, హిట్ కొట్టిన ఆనందంతో నిర్మాత దిల్ రాజు ఈ ప్రాజెక్టును టేకప్ చేసారు. సుమారు ఏడున్నర కోట్ల రూపాయిలకు చేలియా తెలుగు వెర్షన్ తీసుకున్నారు. ఎందుకంటే తెలుగువాళ్లకు పరిచయం అయిన కార్తీ వున్నారు కదా అన్న ధీమా. ఆ పైన ఖర్చులు మామూలే. మరి ఇప్పుడు ఏ మేరకు కిట్టుబాటు అవుతుందా అన్నది తెలియాల్సి వుంది. ఇండస్ట్రీ వర్గాలు అయితే కాస్త కష్టమే అంటున్నాయి.