దిల్ రాజు అంటే ఫ్యామిలీ చిత్రాలకు పెట్టింది పేరు కదా? ఆయన దగ్గర సుకుమార్, బొమ్మరిల్లు భాస్కర్, ఇంకా అనేకమంది డైరక్టర్లు మంచి ఫ్యామిలీ సినిమాలు తీసారు. ఇలా తీసిన సినిమాలన్నింటికీ పని చేసిన అసోసియేట్ సుందర్ ఓ మంచి ఫ్యామిలీ కథ తయారు చేసాడట. అమ్మమ్మ ఇల్లు అనే టైటిల్ తో. ఈ కథకు ఎవరు దొరుకుతారా అని వెదుకుంటే మంచి సౌండ్ పార్టీ ఒకటి కొత్తగా నిర్మాణ రంగంలోకి భారీ ఎత్తున దిగాలని వచ్చింది. దాంతో ఇప్పుడు ఆ సినిమా సెట్ అయిపోయింది. నాగశౌర్య హీరోగా ఈ సినిమాను వచ్చే నెల నుంచి తెరకెక్కించనున్నారు.
ఈ కొత్త నిర్మాతలు మైత్రీ మూవీస్ మాదిరిగా సినిమా రంగంలో వీలయినంత మంది హీరోలతో సినిమాలు చేయాలని ప్లాన్ తో వుందట. కొత్త పార్టీ కాస్త బలంగా వస్తోందని తెలిసి, అప్పడే ఓ సూపర్ స్టార్ట్ తో భారీ సినిమా త్వరలో ప్రారంభించే నిర్మాత ఫైనాన్స్ కోసం వెళ్లారట. కానీ ఫైనాన్స్ కాదు, నిర్మాణాలు, భాగస్వామ్యం కోసం చూస్తున్నామన్నారట సదరు పార్టీ. ఆ మాట అలా వుంచితే, ఇన్నాళ్లకు గట్టి నిర్మాతతో మంచి సబ్జెక్ట్ తో కొత్త డైరక్టర్ తో మరో సినిమా దొరికిందని నాగశౌర్య హ్యాపీగా వున్నాడట. ఆల్రెడీ ఓ కొత్త దర్ళకుడితో స్వంత బ్యానర్ లో సినిమా చేస్తున్నడు కూడా.