సంబరాల రాంబాబు..ఎవరూ మరిచిపోలేని కామెడీ సినిమా..హీరో చలం. మళ్లీ అలాంటి కామెడీ హీరో సునీల్. సునీల్ ప్రస్తుతం మూడు సినిమాలు చేస్తున్నారు. ఒకటి జక్కన్న, రెండవది వీడు గోల్డెహె. ముచ్చటగా మూడో సినిమాకు మాత్రం ఇంకా టైటిల్ ఫిక్స్ కాలేదు. ఈ సినిమాకు మాంచి టైటిల్ ఆలోచిస్తున్నట్లు తెలుస్తోంది. అదే ఉంగరాల రాంబాబు.
ఈ సినిమాలో హీరోకి రంగురాళ్ల ఉంగరాలు వేళ్లకు ధరించే అలవాటు వుంటుందట. అందుకే ఈ టైటిల్ అయితే సూపర్ ఏప్ట్ గా వుంటుదని హీరో, దర్శకుడు, నిర్మాత ఆలోచిస్తున్నట్లు తెలుస్తోంది. టైటిల్ మాత్రం అదిరిపోయింది..సర్రున జనాల్లోకి దూసుకుపోయేలా వుంది.
మరి ఇదే ఫిక్స్ చేస్తారో? లేదో? పరుచూరిప్రసాద్ నిర్మించే ఈ సినిమాకు మళ్లీ మళ్లీ ఇది రాని రోజు లాంటి సూపర్ సినిమాను అందించిన క్రాంతి మాధవ్ దర్శకుడు.