తమ యూట్యూబ్ సబ్ స్కైబర్లకు ఫుల్ పసందైన వీడియోను గిఫ్ట్ గా ఇచ్చారు రెజ్లర్ జాన్ సెనా, అతడి ప్రియురాలు నిక్కీ బెల్లాలు. ఆమె యూట్యూబ్ అకౌంట్ కు ఐదులక్షల మంది సబ్ స్క్రైబర్లు సమకూరడంతో.. ఈ సందర్భాన్ని వాళ్లు ఈ విధంగా సెలబ్రేట్ చేశారు. నగ్నంగా మారిపోయి డాన్సులు చేశారు. హాఫ్ మిలియన్ సబ్ స్క్రైబర్లను సంపాదించుకోవడం చాలా ఆనందకరంగా ఉందని, అందుకే తమ యూట్యూబ్ ఫాలోయర్లకు ఈ విందును ఇచ్చామని వారు పేర్కొన్నారు.
ఇటీవలే ఈ జంట మరో రకంగా కూడా వార్తల్లో నిలిచింది. రెజ్లింగ్ రింగ్ లో ప్రేమ ప్రతిపాదన ద్వారా వీరు అంతర్జాతీయంగా అందరి దృష్టినీ ఆకర్షించారు. ఇప్పుడు ఈ వీడియోతో మరింత ఆసక్తిని రేకెత్తించారు. వీళ్లు యూట్యూబ్ లో పూర్తి నగ్న వీడియోనే పోస్టు చేసినప్పటికీ.. ఆ సైట్ కు ఉన్న పరిమితుల ప్రకారమే ఆ వీడియో ప్రచురితం అయ్యింది. అయితే వార్తల్లో నిలవడానికి ఇలాంటి ట్రిక్స్ ప్రయోగించిన వీరిపై సహజంగానే విమర్శలొస్తున్నాయి.