స్పోర్ట్స్ బ్యాక్ డ్రాప్ లో తీసిన జెర్సీ మూవీతో మంచి క్రెడిబులిటీ తెచ్చుకుంది సితార సంస్థ. ఆ సినిమాను అరవింద్, దిల్ రాజు భాగస్వామ్యంతో హిందీలోకి కూడా తీసుకెళ్తున్నారు. ఇప్పుడు మరో స్పోర్ట్స్ బేస్డ్ సినిమా తీసేందుకు సన్నాహాలు చేస్తున్నట్లు తెలుస్తోంది.
అయితే దీని కథ, కమామిషు ఇంకా తెలియకపోయినా, ఈ స్క్రిప్ట్ తయారుచేస్తున్నది దర్శకుడ వెంకీ అట్లూరి. ఆయన ఇప్పుడు సితార సంస్థ ఆస్థాన డైరక్టర్లలో ఒకరిగా మారిపోయారు. ఒకపక్క రంగ్ దే సినిమా చేస్తూనే, ఈ స్పోర్ట్స్ బేస్డ్ కథను రెడీ చేస్తున్నారు. మరోపక్క పవన్ కళ్యాణ్ కు సరిపడా కథను వండే ప్రయత్నాల్లో వున్నారు.
ఆ కథ కూడా కుదిరిపోయి పవన్ ఓకె అంటే మరొ రెండేళ్ల వరకు వెంకీ అట్లూరి సితార సంస్థను వదిలి బయటకు రారేమో? అది కూడా పవన్ సినిమా ఓకె అయితే ఒక ఏడాది, రెండేళ్లు అని టైమ్ బౌండ్ వ్యవహారం కూడా వుండదు.