యంగ్ హీరో విజయ్ దేవరకొండ నిర్మాతగా మారి చేస్తున్న తొలిసినిమా 'మీకు మాత్రమే చెప్తా'. తనకు లైఫ్ అండ్ లిఫ్ట్ ఇచ్చిన పెళ్లిచూపులు డైరక్టర్ తరుణ్ భాస్కర్ ను హీరోగా పరిచయం చేస్తూ, నిర్మిస్తున్న సినిమా. ఈ సినిమాను అతి తక్కువ వ్యయంలో పూర్తిచేసి, అదే అమౌంట్ కు నిర్మాత, డిస్ట్రిబ్యూటర్ ఆసియన్ సునీల్ కు విక్రయించేసారు. నాన్ థియేటర్ రైట్స్ లాభాలుగా వుంచుకున్నారు.
ఈ సినిమాకు విడుదల డేట్ ఫిక్స్ అయినట్లు తెలుస్తోంది. అక్టోబర్ 18న మీకు మాత్రమే చెప్తా సినిమాను విడుదల చేయాలని డిసైడ్ అయినట్లు తెలుస్తోంది. ఆ టైమ్ లో ప్రస్తుతానికి అయితే అంతగా సినిమాలు లేవు. 24 నుంచి సినిమాలు వున్నాయి. ఈ సినిమా బడ్జెట్ కు, సేల్ ప్రయిస్ కు ఆ డేట్ బాగానే వుంటుందని అలా ప్లాన్ చేస్తున్నట్లు తెలుస్తోంది.
ఇటీవలే టీజర్, ఫస్ట్ సాంగ్ వదిలారు. ఆ విధంగా సినిమా జోనర్ ఎలా వుండబోతోందో వెల్లడించారు. సాంగ్ కు అయితే అంత రెస్సాన్స్ వచ్చినట్లు లేదు. ఈ తరహా జోనర్ లు మాత్రం కొత్తగా వుంటున్నాయి కనుక బాగానే చూస్తున్నారు. అదే హోప్ తో అక్టోబర్ 18న విడుదలకు సిద్దం అవుతున్నట్లు బోగట్టా.