ప్రతి మనిషికి కొన్ని భయాలుంటాయి. సెలబ్రిటీలకు ఇవి ఇంకాస్త ఎక్కువ. అయితే హీరోయిన్ రాశిఖన్నా మాత్రం తనకు భయం అంటే ఏంటో తెలియదంటోంది. జీవితంలో భయపడినట్టు తనకు గుర్తులేదని చెబుతోంది.
"నేను జీవితంలో భయపడను. ఇప్పటివరకు భయపడలేదు. చిన్నప్పుడు 3-4 ఏళ్ల వయసులో భయపడి ఉంటాను, నాకు ఊహ తెలిసిన తర్వాత భయం అంటే ఏంటో తెలియదు. బాక్ సినిమా షూటింగ్ లో కొన్ని సన్నివేశాల్లో భయపడాల్సి వచ్చింది. భయాన్ని ఎలా నటించాలో నాకు తెలియలేదు. ఓ భయంకరమైన సన్నివేశానికి ఎలా రియాక్ట్ అవ్వాలో నాకు అర్థంకాలేదు."
ఇలా తనకు భయం అంటే ఏంటో తెలియదంటోంది రాశిఖన్నా. ఎన్నో హారర్ సినిమాల్ని అర్థరాత్రి చూసి పడుకున్నానని, ఎలాంటి భయం అనిపించలేదని అంటోంది. తను చూసిన బెస్ట్ హారర్ సినిమా భూత్. ఆ సినిమా అంటే తనకు చాలా ఇష్టమని చెబుతోంది.
బాక్ అనే హారర్ సినిమాలో నటించింది రాశీ. ఈ సినిమా మాత్రం అందరూ భయపడేంత ఉండదని, వెన్నెల కిషోర్, శ్రీనివాసరెడ్డి లాంటి కమెడియన్ల కామెడీ కూడా ఉంటుందని అంటోంది. ఫ్యామిలీ అంతా కలిసి బాక్ సినిమా చూడొచ్చని హామీ ఇస్తోంది.
