మయొసైటిస్ సైడ్ ఎఫెక్టుల నుంచి పూర్తిగా కోలుకున్న సమంత, ఇప్పుడు పూర్తిస్థాయిలో యాక్టివ్ అయింది. సోషల్ మీడియాలో ఆమె పెడుతున్న పోస్టులు, ఫొటోలు చూస్తుంటే.. గ్లామర్ హీరోయిన్ పాత్రలకు ఆమె రెడీ అనే విషయాన్ని ఇట్టే పసిగట్టొచ్చు ఎవరైనా.
ఆ సంకేతాలకు మరింత బలం చేకూరుస్తూ త్వరలోనే బిగ్ సర్ ప్రైజ్ ఇవ్వబోతోంది సమంత. ఓ భారీ బడ్జెట్ సినిమాతో ఆమె రీఎంట్రీ ఇవ్వబోతోంది. తాజా సమాచారం ప్రకారం అది అల్లు అర్జున్ సినిమా.
అల్లు అర్జున్, అట్లీ సినిమా లాక్ అయిన సంగతి తెలిసిందే. మరో వారం రోజుల్లో బన్నీ బర్త్ డే సందర్భంగా ఈ ప్రాజెక్టును అధికారికంగా ప్రకటించబోతున్నారు. ఇందులో హీరోయిన్ గా సమంతను దాదాపు కన్ ఫర్మ్ చేశారు.
బన్నీ-సమంతది సూపర్ హిట్ కాంబినేషన్. గతంలో వీళ్లిద్దరూ కలిసి సన్నాఫ్ సత్యమూర్తి సినిమా చేశారు. ఆ తర్వాత బన్నీ నటించిన పుష్ప-1 సినిమాలో సమంత ఐటెంసాంగ్ చేసింది. అది పాన్ ఇండియా లెవెల్లో పెద్ద హిట్టయింది.
ఇక అట్లీ-సమంతది కూడా సూపర్ హిట్ కాంబినేషన్. అట్లీ దర్శకత్వంలో సమంత 2 సినిమాలు చేసింది. అందుకే బన్నీతో చేయబోయే సినిమా కోసం సమంతను తీసుకోవాలని అనుకుంటున్నారట. సన్ పిక్చర్స్, గీతా ఆర్ట్స్ సంయుక్తంగా ఈ సినిమాను నిర్మించబోతున్నాయి.
