తమిళంలో మంచి హిట్ అయిన రాక్షసన్ సినిమా తెలుగు రీమేక్ కు ఈరోజు శ్రీకారం చుట్టారు. రమేష్ వర్మ డైరక్షన్ లో బెల్లంకొండ శ్రీనివాస్ హీరోగా నటించే ఈ సినిమాను కోనేరు సత్యనారాయణ నిర్మిస్తున్నారు. హీరో కోనేరు హవీష్ సమర్పిస్తున్నారు. కోనేరు సత్యనారాయణ బయట హీరోతో నిర్మించే తొలి సినిమా ఇది.
ప్రస్తుతం బెల్లంకొండ చేస్తున్న అనిల్ సుంకర-తేజ కాంబినేషన్ లోని సీత సినిమా విడుదలకు సిద్దమైంది. తరువాత ప్రాజెక్టుగా ఈ సినిమాను స్టార్ట్ చేసారు. రాక్షసన్ తెలుగు వెర్షన్ కు గిబ్రాన్ సంగీతం, సాగర్ సంభాషణలు అందిస్తారు.
కాస్టింగ్ సెలక్షన్ జరగాల్సి వుంది. రామానాయుడు స్టూడియోలో జరిగిన ప్రారంభోత్సవ కార్యక్రమానికి నిర్మాతలు అనిల్ సుంకర, బెల్లంకొండ శ్రీనివాస్, కోనేరు హవీష్ తదితరులు హాజరయ్యారు.
