దర్బార్ సినిమాను ఇలా పూర్తిచేసిన రజనీకాంత్,ఏమాత్రం ఆలస్యం చేయకుండా అలా మరో సినిమా స్టార్ట్ చేశాడు. అవును.. ఈరోజు రజనీకాంత్ కొత్త సినిమా ప్రారంభమైంది.సన్ పిక్చర్స్ బ్యానర్ పై శివ దర్శకత్వంలో రాబోతున్న ఈ సినిమాకు ఈరోజు పూజా కార్యక్రమాలు నిర్వహించారు.జనవరి మూడో వారం నుంచి రెగ్యులర్ షూటింగ్ ఉంటుంది.
మాస్ సినిమాలకు కేరాఫ్ అడ్రస్ శివ. మొన్నటివరకు బ్యాక్ టు బ్యాక్ అజిత్ తో సినిమాలు చేసిన ఈ దర్శకుడు, ఇప్పుడు రజనీకాంత్ ను మరింత మాస్ గా చూపించడానికి రెడీ అవుతున్నాడు.విలేజ్ బ్యాక్ డ్రాప్ లో నడిచే కథతో ఈ సినిమా తెరకెక్కనుంది.కెరీర్ లో రజనీకాంత్ కు ఇది 168వ సినిమా.
ఈ సినిమాలో కీర్తిసురేష్ హీరోయిన్ గా నటించనుంది. ఖుష్బూ, మీనా, ప్రకాష్ రాజ్ కీలక పాత్రలు పోషించబోతున్నారు.గతంలో రజనీకాంత్ సరసన హీరోయిన్లుగా నటించారు ఖుష్బూ, మీనా. ఇప్పుడు అతడి సినిమాల్లో క్యారెక్టర్ రోల్స్ చేస్తున్నారు.
