సాధారణంగా డైరక్టర్లు అనుకున్నది రైటర్ల నుంచి రాబట్టుకుంటారు. తాము అనుకున్నది రాకబోతే రైటర్లపై విసుక్కోవచ్చు. కానీ ఇది రివర్స్ కేసు.
విడుదల కాబోయే ఓ సినిమా రష్ ను యూనిట్ చూసుకుందని తెలుస్తోంది. ఈ రష్ చూసిన తరువాత సినిమాకు రైటర్ గా పని చేసిన వ్యక్తి ఆ డైరక్టర్ ను నిలదీసినట్లు తెలుస్తోంది.
చెప్పిన స్క్రిప్ట్ ఏమిటి? రాయించుకున్న డైలాగులు ఏమిటి? వచ్చిన అవుట్ పుట్ ఏమిటి? అని ఆ కొత్త డైరక్టర్ ను నిలదీసినట్లు తెలుస్తోంది.
ఈ సినిమా ఆడుతుందా? ఆడదా? అన్నది తరువాత, జనాలకు నచ్చుతుందా? నచ్చదా అన్నది తరువాత..ఇకపై తాను మాత్రం ఆ డైరక్టర్ తో పని చేయాలని మాత్రం అనుకోవడం లేదని తెగేసి చెప్పినట్లు తెలుస్తోంది.
ఓ రైటర్ ఇంతలా డైరక్టర్ ను నిలదీయడానికి కారణం ఏమై వుంటుంది? రైటర్ వెర్షన్ ను పక్కన పెట్టి, తన వెర్షన్ ను చేసేసారా? లేక నిజంగానే సినిమా బాగా రాలేదా? ఏమిటి కథ అన్న గుసగుసలు వినిపిస్తున్నాయి ఇండస్ట్రీలో.