సుదీర్ఘంగా వాయిదా పడుతున్న ప్రభాస్ సినిమా ఎట్టకేలకు సెట్స్ పైకి వచ్చింది. నిన్నట్నుంచి ఈ సినిమా కొత్త షెడ్యూల్ మొదలైంది. ఈ విషయాన్ని స్వయంగా హీరో ప్రభాస్ ప్రకటించాడు. అయితే ఇలా ప్రకటించారో లేదో అలా ఈ సినిమా షూటింగ్ వాయిదా పడింది.
అన్నపూర్ణ స్టుడియోస్ లో వేసిన ప్రత్యేకమైన సెట్ లో ఈ సినిమా షెడ్యూల్ నిన్న మొదలైంది. ఇవాళ్టి నుంచి ప్రభాస్-పూజా హెగ్డే మధ్య సన్నివేశాలు తీయాలి. కానీ అనారోగ్య కారణాల వల్ల పూజా హెగ్డే షూటింగ్ కు రావడం లేదు. దీంతో ఈ షూటింగ్ వాయిదాపడింది. అయితే షెడ్యూల్ మాత్రం కాన్సిల్ అవ్వలేదు.
రాధాకృష్ణ కుమార్ దర్శకత్వంలో తెరకెక్కుతున్న ఈ సినిమాను సాహో టైమ్ లోనే సెట్స్ పైకి తీసుకొచ్చారు. ప్రభాస్-పూజా మధ్య ఫ్రాన్స్ లో ఓ షెడ్యూల్ కూడా చేశారు. ఆ తర్వాత సాహో విడుదలైంది. అది ఫ్లాప్ అవ్వడంతో ఈ సినిమాను పూర్తిగా పక్కనపెట్టేశాడు ప్రభాస్. మరిన్ని మార్పుచేర్పులు సూచించాడు. అలా దాదాపు 6 నెలల పాటు ఆగిపోయిన ఈ సినిమా నిన్నట్నుంచి పట్టాలపైకి వచ్చింది.
ఈ షెడ్యూల్ తర్వాత మరో సెట్ పైకి సినిమాను షిఫ్ట్ చేయాలి. కానీ రామోజీ ఫిలింసిటీలో ఆ సెట్ ఇంకా రెడీ కాలేదని తెలుస్తోంది. సో.. అన్నపూర్ణ స్టుడియోస్ లో ప్రస్తుతం జరుగుతున్న షెడ్యూల్ తర్వాత సెట్ అందుబాటులోకి వస్తే రామోజీ ఫిలింసిటీలో, లేదంటే ఆస్ట్రియా దేశంలో కొత్త షెడ్యూల్ ప్రారంభం అవుతుంది.