కొద్దిరోజుల క్రితమే మెగాఫ్యాన్స్ అంతా కలిసి మెగాస్టార్ బర్త్ డే సెలబ్రేట్ చేసుకున్నారు. శిల్పకళావేదికలో పవర్ స్టార్ సాక్షిగా ఈ ఫంక్షన్ భారీగా జరిగింది. మళ్లీ మరోసారి ఫంక్షన్ కాకపోయినా, ఆ రేంజ్ లో జరగబోతోంది సైరా ట్రయిలర్ లాంచింగ్. హైదరాబాద్ సుదర్శన్ థియేటర్ లో సైరా ట్రయిలర్ ను అభిమానుల కోసం ప్రదర్శించబోతున్నారు. ఈసాయంత్రం అయిదున్నరకు ఈ కార్యక్రమం వుంటుంది.
సైరా నిర్మాత రామ్ చరణ్, దర్శకుడు సురేందర్ రెడ్డి ఈ ట్రయిలర్ ప్రదర్శన కార్యక్రమానికి హాజరు కాబోతున్నారు. మామూలుగానే ట్రయిలర్ లాంచ్ అంటే అభిమానుల కోలాహలం ఓ రేంజ్ లో వుంటుంది. దానికితోడు రామ్ చరణ్ వస్తున్నారు అంటే మరో లెవెల్ లో వుంటుంది.
అభిమానుల కోసం సుదర్శన్ 70 ఎమ్ ఎమ్ ను వెన్యూగా ఫిక్స్ చేసారు. మీడియా కోసం ప్రసాద్ బిగ్ స్క్రీన్ ను ఎంపిక చేసారు. ఈ రెండుచోట్లా ఒకేసారి ట్రయిలర్ ప్రదర్శన వుంటుంది. బ్యాక్ టు బ్యాక్ రెండు ఈవెంట్లు జరిగాక, మెగాభిమానులు మరోసారి ఈనెల 22న ప్రీరిలీజ్ ఫంక్షన్ రెడీ కావచ్చు. టోటల్ గా అతి కొద్ది గ్యాప్ లో మెగాభిమానుల కోసం మూడు ఈవెంట్లు అన్నమాట.