టాలీవుడ్ కాస్త కన్ఫ్యూజన్ లో వుంది. సినిమా థియేటర్లపై తెలంగాణ ప్రభుత్వం ఏమైన ఆంక్షలు విదిస్తుందా? అలా అయితే విడుదల చేయల్సిన సినిమాల పరిస్థితి ఏమిటి? స్కూళ్లు మూసేసి థియేటర్లు, బార్లు తెరవడంపై కోర్టు నిన్నటికి నిన్న గట్టిగ కామెంట్ చేసింది.
ఈ నేపథ్యంలో ఫ్రభుత్వం ఏమైనా నిర్ణయం తీసుకుంటుందా? అన్నది క్లారిటీగా తెలుసుకోవాలనుకుంటున్నారు. అందుకే టాలీవుడ్ పెద్దలు కొందరు నేరుగా సిఎమ్ కేసిఆర్ ను కలవబోతున్నట్లు తెలుస్తోంది. ఆయన ఇచ్చే క్లారిటీ బట్టి ఈ నెల 16 నుంచి విడుదలయ్యే సినిమాల భవితవ్యం ఆధారపడి వుంటుంది.
ఈ వీకెండ్ లోపల అయితే ఎలాంటి నిర్ణయం వుండకపోవచ్చు. ఉగాది తరువాత నుంచి వుంటే వుండొచ్చు అన్న అనుమానాలు ఇండస్ట్రీలో వ్యక్తం అవుతున్నాయి.
ఒకవేళ ఉగాది వేళకు ఫిఫ్టీ పర్సంట్ ఆక్యుపెన్సీ నిబంధన వస్తే వకీల్ సాబ్ నెత్తిన పాలు పోసినట్లే. ఆ నిబంధనతో లవ్ స్టోరీ విడుదల కాకపోవచ్చు. అప్పుడు రెండు వారాల పాటు థియేటర్లో వకీల్ సాబ్ తప్ప మరో సినిమా వుండదు. ఇప్పటికే థియేటర్లు అన్నీ సరైన సినిమాలు లేక ఖాళీగా వున్నాయి.