రాబోయే పెద్ద సినిమాల్లో వకీల్ సాబ్ ఒకటి. పవన్ కళ్యాణ్ చేస్తున్న రీమేక్. ఈ సినిమా నాన్ థియేటర్ హక్కులు (డిజిటల్ స్ట్రీమింగ్-శాటిలైట్) కలిపి 31 కోట్లకు విక్రయించారు. శాటిటైట్ హక్కులను జీ టీవీ తీసుకుంది.
ఇంకా హిందీ డబ్బింగ్ హక్కులు వున్నాయి. అయితే పింక్ సినిమాకు రీమేక్ కావడంతో హిందీ డబ్బింగ్ కు ఏ మేరకు వస్తాయి అన్నది తెలియాల్సి వుంది.
ఇదిలా వుంటే పవన్ కళ్యాణ్-క్రిష్ సినిమా ఓవర్ సీస్ మార్కెట్ బిజినెస్ క్లోజ్ అయినట్లు తెలుస్తోంది. ఆర్ఆర్ఆర్, ఆచార్య హక్కులు తీసుకున్న దుబాయ్ ఫారస్ సంస్థే ఈ హక్కులు కూడా తీసుకున్నట్లు తెలుస్తోంది. రేటు ఇంకా తెలియాల్సి వుంది. 15 కోట్లు అని ప్రఛారంలో వుంది కానీ అది నిజం కాదని బోగట్టా.
అలాగే పవన్-రానా ఓవర్ సీస్ లేదా నాన్ థియేటర్ డీల్ కూడా క్లోజ్ కాలేదు. అమెరికా పరిస్థితి మెరుగుపడేదాకా వెయిట్ చేయాలని నిర్మాత ఆలోచిస్తున్నారు. శాటిటైట్, డిజిటల్ స్ట్రీమింగ్ హక్కులు మాత్రం జీ టీవీ తో బేరాలు సాగుతున్నాయి.
